الأغاني الشعبية التي كانت ترددها النساء في الأفراح أيام زمان

الأغاني الشعبية التي كانت ترددها النساء في الأفراح أيام زمان


يا حلوة يا خزاعيّة ... مثل الشمعة المضوية ...
وجهك كأنو البدر ... في السماء العالية
طولك طول النخلة ... والخصر خصر الغزلان
في البوادي العربية ...... يا حلوة يا خزاعيّةة.

اّه يا مشمش المعقود ...... تربية راس العامود
والورد ورد الخدود ..... يا بنت الكرم والجود
الله يخليك لأهلك .... يا منبت أصل وجدود
اّه يا مشمش المعأود ...... تربية راس العامود

درهم لطف من الستّات ...... بحلّي معمل كينا
يا زينة كل البنات ...... دخيلك ردّي علينا ..

اّه يا خيار التشريني ... زرعوك بالبساتيني
يام خدود الوردية ... بعيونك جننّتيني
والله ان أخذوك مني ... لاضرب حالي بسكيني
اّه يا لون ويا نكهة ... بالصواني قدميني
يسلم لي خصر الممشوء .. والله لخبيك بعيوني
اّه يا سمرة وماويّة ... رموش عيونك تحييني
لون عيونك عسلية ... بلحظك لا تبخلي عليّ
اّه يا خيار التشريني ..... زرعوك بالبساتيني .



هلا هلا هالله يا جملو ... يا عشيرة زماني
خصرك دخيل اللي عملو ..... بلح يا خيزراني ..

يا ملبّس يا حلواني ..... يا منّقى عالصواني
يا ملبّس ويا ملوّز ..... ما بلاقي مثلك ثاني

حلوة يامّ عيون وساع .. والتنّورة النيلية ..

ناعم ناعم هالريحان
ناعم ناعم هالريحان
شمّوا ولمّوا هالريحان
يسلم لامّو هالريحان
ناعم ناعم هالريحان
ريحتو فايحه هالريحان





ومن أغاني الدبكات , والعراضات :
الردّة ..
على دلعونا وعلى دلعونا ...... بيّ بيّ الغربة الوطن حنونا

يا عالية يأم المسيح .... ....من عالي السور اطلّعي ..

هلّي وافرحي يا دار .... فتّح وردك ازرار ازرار..

وسّعوا الساحة ......... والساحة لنا
وسّعوا الساحة ........... لتلعب خيلنا ..

هلّي عل الريح .......... يا رايتنا العاليّة
عز وتلويح ............ ضيعتنا الصيدناويّة ..

" أيي-------ها يا ظريف الطول ع عين العلق
أيي---------ها والعنق شبرين هيك الله خلق
أيي----------ها غمزات عيونك تشابه الطلق
يا أم السبع دقّات فوق المبسما
لي لي لي ليش

*
" أييها أو إيها .. والطول طول النخل والعنق مايل ميل
أيي------ها والخصر من رقته هد القوى والحيل
لي لي لي ليش
**
أغاني التأهيل والترحيب بالعريس أو العروس إلى بيت العريس الجديد :
أييه--------ا أهلا وسهلا يللي جايين لعنا
أييه--------ا بفي الغميق لفرشلكم معاطرنا
أييه--------ا لو ما تكونوا تكتموا لسرايرنا
أييه--------ا كنا فئعنا وطلعنا من غلايلنا
لي لي لي ليش
إيها
أييه---------ا أهلا وسهلا يا ضيوف
أييه---------ا ولو كنتو ألوف ألوف
أييه---------ا لو نعرفكن جاييين
أييه---------ا لذبحنا لكم مية خروف
لي لي لي ليش

**
أيي---------ها وصيّتكن يا مخطّطات أم الحلق
أيي----------ها ما أخذتها تحطّيت كل الورق
أيي----------ها وصيتكن يا مخطّطات حليلتي
أيي----------ها ما أخذتها تحطّيت ذخيرتي
لي لي لي ليش .
أيي..........ها وأوعى يا عريس تندم عالمالي
أيي..........ها عروستك حواجب سود قتّالي
أيي..........ها وشعرات ذهب بحاجبين محنية
أيي..........ها وليتها تثمر وتعمر واتملي البيت صبياني ؟
لي لي لي ليش





إيها ..... يوم عرسك باتوا البنات عل الباب
إيها ....... شي طلقوا رجالهن شي راحوا عابغداد
إيها ........ قولوا : لأبني هالراعي الشامات
إيها ........ يعمّر قصوره ويشرّع للهوا طاقات
لي لي لي لي ليش

**
وكانت المباراة في وصف العروس أو العريس ومديحهما, أو المباراة بين حب الفتاة السمراء أو البيضاء , تدور الأغاني كما يلي :
إيها ......... يا أسمر السمر يللي عيّروني فيك
إيها ........... كل ما عيّروني بيزيد رغبتي فيك
إيها ............ أنت الحبق علطبق وأنا الندى بسقيك
إيها ........... أنت الثريّا وأنا الميزان برعى فيك .
لي لي لي لي ليش .



أييها ........... يا بيضة ويا غضّة
أييها ........... يا مسبحة لولو تسبح في زرد فضّة
أييها ........... ياما جاؤوالبوك وما بقى يرضى
إييها ........... قومي صلحي بينهم ما عاشت البغضا
لي لي لي لي ليش .....