طريقة تحضير بقلاوة مالحة مع المكونات والمقادير
طريقة تحضير بقلاوة مالحة مع المكونات والمقادير
https://i.ibb.co/YkBM4Hp/baklawa.jpg
بقلاوة مالحة
العجينة :
رطل فرينة
250 مل crème fraîche
50 غ زبدة
نصف مغرفة صغيرة ملح و عظمة
و نعجنوهم بالباهي و نحطوها ترتاح في الفريجيدار ساعة و تبدأ مغطية
نحظرو المكونات التالية
ناخذو 500 غ لحم مفروم
نقليوه في الزيت زيتونة و الملح و الفلفل اكحل
و بعد نزيد شوية سبناخ على المطعم (يبنن) الي ما يحبش هو حر أما يفضل أنو يتحط
نحطو 200 غ فزدق كعب
100غ فزدق و 100 غ لوز مهروش موش محمرين
200 غ جبن mozzarella عربي
250غ crème fraîche
2 عظم مصموطة مبروش
حارة عظم
فلفل اكحل
ملح
نخلطوهم الكل
نحط ورق الزبدة و نحط فوقها الجلجلان و بعد نحل العجينة سمكها 0.5 صم و بعد نحط الي عملناه و بعد نحطو طبقة أخرى من العجينة و يكون سمكها 0.5 صم و بعد ندهنوها بالاصفر متع العظم و الحليب و ندخلوها للفور و نحلو الفوق و اللوطة و بعد كي طيب نزينوها بالفسدق .
تتعمل في العروسات حاجة بنينة برشة
