قصة مضحكة قصيرة - مكتبة القصص و الروايات

[arcades]

قصة مضحكة قصيرة

موسوعة القصص المدرسية قصص اطفال قصص مغامرات رعب تسلية طريفة مضحكة


قصص عربية اجنبية تلخيص قصة رومانسية عاطفية اطفال صغار مدرسية رعب مغامرات مضحكة طريفة ملخص القصة خرافية تلاخيص جاهزة تعريف

قصة مضحكة جدا


كان يا ما كان في قديم الزمان، ملك عنده ثلاث بنات .

حب في يوم من الايام انه يختبر حبهم اله. جاب الكبيرة وقالها*: يابا يا حبيبتي قديش بتحبي ابوك الملك .

البنت من غير تفكير*: بحبك قد ما السمك بحب البحر .

الملك فكر وقال في باله*: ايهو السمك بقدر يعيش بدون بحر .

هاي البنت بتحبني كتير . وقال الها*: انا كنت عارف انك بتحبيني بس مش لهدرجة وقام اعطاها قصر كبير ومجوهرات .


جاب البنت التانية وسألها نفس السؤال . فقالتله*: بحبك قد ما الطير بحب السما انبسط الزلمة وكيف . واعطاها قصر جنب اختها ومجوهرات .


بعدين جاب البنت الصغيرة ( اخر العنقود اللي بموت فيها ) وسألها نفس السؤال .
قامت جاوبته*: بحبك قد ما الدقة ( يعني زعتر ) بتحب الشطة .
الزلمة زعل وعصب وقام لفحها كف. ومسكها من شعرها وزتها برة القصر.
وما رضي يسمع منها ولا نص كلمة .


البنت دارت بالحواري وعلى ارصفة الطرقات وتسمع كلمة من هاد وكلمتين من هداك . لغاية ماجاها مزارع مسكين حبها وحبته وراحوا تزوجوا و سكنوا بالكوخ تبعه اللي بنص الغابة .


ودارت الايام ومرت الايام .
وفي يوم من الايام كان الملك قاعد بتصيد بالغابة ونسي حاله وسرح وضاع بالغابة دور على المرافقين .


ولا هم هون . طب الحرس . فص ملح وداب ؟؟؟ . ضل الملك يمشي ويمشي لغاية ما لقي هالكوخ لصغير . قال بفوت برتاح وباكلي لقمة . دق على الباب فتحلوا صاحب البيت وهو مش عارفه . دخلوا جوا وهو شايفه تعبان . وصار يحكي مع الزلمة .
مرته مش خافي عليها الصوت . قام الزلمة بيقول للمرة اذبحيلنا جاجتين خلينا نتعشى ونعشي الضيف . المرة مين طبعا ؟؟ واضحة بنت الملك الصغيرة .


بدت تشتغل بالجاجات وخطر على بالها فكرة . نادت جوزها وقالتله خود شوية الدقة ( يعني زعتر ) هاي مع صحن زيت سلكو فيهم على بين ما يخلص الاكل شكله الزلمة ميت جوع . والله الزلمة عجبته الفكرة وقام حط الزيت والدقة قدام الملك وقاله*: اتفضل يا عمي على بين ما يجهز الاكل . الملك ميت جوع وهو بحب الدقة ( كمان يعني زعتر ) كتير . ما بلع اول لقمة ولا صار بده يستفرغ . وصاح بالزلمة*: ولك شو هاد دقة من غير شطة ؟؟؟ كيف بتاكلوها هاي ؟؟؟؟


وفجأة اتذكر بنته الصغيرة وصار يعيط . قاله الزلمة*:. شو مالك يا زلمة انت العاقل . كل هاد مشان شوية دقة ( زعتر يا جماعة ) هسة الجاج بخلص. راح الملك حكى للزلمة القصة . وهو خلص من هون نطت البنت وقالت*: بخ كيفك بابا ؟ عرفت اديش بحبك ؟


وهيك عرف الملك قديش بتحبه بنته . وجابتله دقة بشطة . طبعا ما اكل منها ولا لقمة لانه نزل بالجاج جرد , واعطاها قصرين ومجوهرات .


تجد هنا قصص وحكايات

تابع جميع القصص والحكايات العربية والعالمية روايات قديمة و حديثة

http://www.jobs4ar.com


نقد الكاتب الراوي و تعريفه

[sa7liplus]

قصة مضحكة قصيرة - مكتبة القصص و الروايات

شكرا لكم على هدا المجهود

[Bing Msn Tunisia]

قصة مضحكة قصيرة - مكتبة القصص و الروايات

شكرا لكم على هدا المجهود