دعوة 20 لاعبا للقاء الودّي ضدّ المنتخب السوداني

[لسعد النويوي]

المنتخب الوطني لكرة القدم

دعوة 20 لاعبا للقاء الودّي

ضدّ المنتخب السوداني






أعلن اليوم 18 ماي الإطار الفني للمنتخب الوطني التونسي لكرة القدم عن قائمة 20 لاعبا الذين سيخوضون اللقاء الودّي بين المنتخب الوطني التونسي والمنتخب السوداني

والذي قد تمّ تأجيله إلى يوم الخميس 28 ماي الجاري انطلاقا من الساعة 19:10

تتضمّن القائمة

حمدي القصراوي – أيمن المثلوثي – أيمن عبد النور – سامي العلاقي (فيورث الألماني) – وسام يحيى – عبد المجيد بن بلقاسم – خليل شمام – محمد أمين الشرميطي (هرتابرلين الألماني) أسامة الدرّاجي – هشام السيفي – رضوان الفالحي – محمد علي الغرياني – بلال العيفة – راضي الجعايدي – عمّار الجملْ – خالد القربي – حسين الراقد (فريق مونس البليجكي) – محمد السليتي – زين العابدين السويسي

وسيتمّ تجميع اللاعبين يوم 25 ماي على الساعة 12:30

[Najmsat Online]

السلام عليكم

بدات تحضيرات الفريق الوطني لتصفيات المونديال و بدا نسق المباريات الودية بمقابلة ضد السودان في 27 ماي باش يكون فيها المنتخب منقوص من برشة ملاعبية يلعبو لبرة و هذا ما يفسر وجود اسماء جديدة في القائمة ... انا بصراحة القائمة جاتني عادية رغم بعض الاسماء اللي باش تثير الجدل كيف العادة سواء اللي عيطلهم و ما يستحقوش او اللي يستحقو و ما عيطلهمش :
حمدي القصراوي : احسن حارس في تونس حاليا و يمر بفترة ممتازة و ما عندناش choix كبير في البوست هذا ...
ايمن المثلوثي : يمر بفترة صعيبة لكنو يبقى من احسن الحراس في تونس و وجودو في القائمة ضروري ...
ايمن عبد النور : لاعب ممتاز مع النجم و يستحق الدعوة خاصة مع اصابة الميكاري (عبد النور ماهو ظهير ايسر و الا انا غالط ؟)
سامي علاقي : ان شاء الله يعطيه فرصتو على خاطر الى حد الاَن ما رينا حتى شي ...
وسام يحيى : قيمة ثابتة اما يلزمو يفيق على خاطر مردودو في تراجع و زيد مازلنا ما شفناش وسام متاع الافريقي في المنتخب ...
عبد المجيد بن بالقاسم : ما نعرفوش و ما ننجمش نحكم على احقيتو بالدعوة من عدمها ...
خليل شمام : مع البنزرتي ولّى لاعب اَخر ... نتصورو يلعب اساسي في غياب الميكاري ...
امين الشرميطي : بصراحة و حسب رايي الخاص و رغم انو امين من افضل و اسرع المهاجمين التوانسة لكن نحبو و الا نكرهو ماهوش قاعد يلعب في جمعيتو كل جمعة درج و الا درجين انا نتصور اللي كان ممكن اعطاء فرصة لمهاجم اَخر يلعب بانتظام مع جمعيتو ...
اسامة الدراجي : بلاصتو تستنى فيه ...
هشام السيفي : بصراحة ملاعبي و راس حربة من طراز عالي اما مازال يلزمو برشة خدمة ... و نظرا لغياب المحترفين فانو دعوتو منطقية ...
رضوان الفالحي : فرصة لهذا اللاعب باش يثبت امكانياتو بعد فترة الفراغ اللي مر بيها ...
محمد علي الغرياني : بصراحة ثمة شكون احق منو ...
ماهر حناشي : يعدي في اطراح قوية برشة مع المستير و يستحق الدعوة ...
بلال عيفة : الظهير الايمن الوحيد في المنتخب اذا مانيش غالط ... ملاعبي و يستحق الدعوة ...
راضي الجعايدي : على مراد الله ...
عمار الجمل : ملاعبي كبير و يستحق لكن برجولية يلزمو يلعب في بلاصتو ... موش نحطوه ظهير ايسر و من بعد نلومو عليه ...
خالد القربي : لاعب قرينتا لكن فنيا عادي ... نتمناو القليب اللي يلعب بيه مع الترجي نشوفوه بيه مع المنتخب ...
حسين الراقد : ولى ركيزة في المنتخب و كاسح في فكان الكورة ... و لو انني واحد مالناس عمري ما اقتنعت بيه ...
محمد السليتي : شنوة اللي يعمل فيه السليتي تو باش يخليه يلعب في المنتخب ؟ بصراحة دعوة في غير محلها ...
خالد السويسي : لاعب ممتاز في محور الدفاع لكن , كيف عمار , اذا باش نحطوه عاليمين موش باش يعطي كيف ما في الاَكس ...
زين العابدين السويسي : كوارجي ياسر و بالنسبة ليا هازز وسط المكشخة ... يستحق الدعوة عن جدارة ...
بالراضية اذا موش مضروب كان ممكن يعاون عاليمين ... بوعزي و الذوادي زادة و لو انو الذوادي راجع من ضربة و مازال موش حاضر معناها عندو الحق كيف ما عيطلوش ... و الباقي عادية رغم اللي انا متاكد انو مع رجوع المحترفين برشة اسامي باش تتنحى قبل ماتش الموزمبيق حتى لو عدات طرح عالمي قدام السودان كيف السيفي و بن بالقاسم ... و هذا ليس الا راي شخصي و كان عندكم ما تقولو تفضلو اما بالله اخطاونا مالتعصب راهو منتخب وطني ...

[Najmsat Online]

مشكور على المتابعة ...

موضوع مثبت لفترة للتناقش ...

[صديق الجميع]

شكرا على المتابعة الجيدة والفورية لاخبار المنتحب الوطني وهو يستعد لمباراة الموزمبيق الهامة في مشوار التاهل لنهائيات كاس العالم وكاس الامم الافريقية.

[سارية]

أتعجب الغياب المتكرر لياسين الشيخاوي في كل مقابلات المنتخب الوطني التونسي الأخيرة

[لسعد النويوي]

أتعجب الغياب المتكرر لياسين الشيخاوي في كل مقابلات المنتخب الوطني التونسي الأخيرة

أخي أعتقد أن السبب واضح ...

الجاهزية ... و ياسين حتى في ناديه ...

لا يقدر على إكمال 90 دق ...

لذلك إن شاء اللّه يرجع في المستقبل ...

لأنه قيمة ثابتة في المنتخب ...

[Najmsat Online]

مبروك فوز المنتخب التونسي برباعية نضيفة..........
موضوع مغلق..................
شكرا..........

[منتديات تونيزيا كافيه التونسية]

دعوة 20 لاعبا للقاء الودّي ضدّ المنتخب السوداني