تعلم العزف على الة العود على اسس صحيحة





تعلموا العزف على آلة العود
مساهمه مني لتعلم أسس ومبادئ العزف على آلة العود الجميله
مدعومه بفيديو عن بعض المقامات العربيه
وحسب تعلمي لي هذه الآله
صدقوني سهل جدا انكم تستمعوا بالعزف على آله العود
وهنا حتضع بين يديكم فكره عن الطريقه الاتعلمت بيها انا العزف وعايزاكم تستفيدوا منها في تعلم العزف
وانا العزف تعلمتو بطريقه السلم العربي المغربي والسباعي لكن دا بقودكم اكتر لي انك تجيدوا السلم الخماسي السوداني والافريقي والاسيوي
اول حاجه بتحتاج ليها هي الصبر والتانيه الاذن المرهفه والتالته الانامل المتمكنه
انا كسرت تلاته اعواد لكن مستمعه شديد لاني اجدت العزف بصوره جميله جدا
نبدا الشرح و داعمه الموضوع بي اقتباسات مهمه وملفات تعلمك العزف على العود ببساطه
لو عرفت المقامات وعزفتها عزف سليم يعني السلم الموسيقي بتاع كل مقام فيهو فايده يعني
بينفعك ولازم تعرف التقاسيم عشان تحاول تجيب كل المقامات وتعرف السلالم
ولازم من التمارين المتواصله و الكافية عشان تصل لى البتتخيلو في آالة العود حتى لو كانت مدة التمرين كم ساعه لو استمريت بي حيوية وحب بضمن ليكم انكم تبقوا عازفين ماهرين ولكن لا بد ان تستشير عازف عود متمكن عشان يدلك على الطريق السليم لتعلم الآلة الجميلة وتتجنب الاخطاءالبتقع فيها في تعلمك براك
اما بالنسبة للتعرف على المقامات وعزفها على آلة العود ضروري شديد وحتكتشف لما تتعمق في التقاسيم
ولو كنتوا بتحبوا العزف المنفرد على العود عليكم بالاستماع لي فنانك المفضل
انتبه للموسيقى المصاحبه وتعلموا النوتة الموسيقية لانها مفتاح كل آلة
لو عرفت المقامات وانا هنا مرفقه ان شاء الله انواع منها حتعرف السلم الموسيقي لكل مقام
وياريت أي واحده تحاول تعزف مع اداء الفنان يعني بالسمع
وتحاولوا تعزفوا بدون ما تنتظروا نتيجه سريعه على العزف وركز على التمرين المعين البتعزف عليه اغنيه بتحبها انت او مقام جديد كما انه في اعتقادي المتواضع لو وجدت شخصا يوضح لك المقامات الاساسية والطريقة الصحيحة لمسك الريشة ومبادئ العزف فحيكون ليك افضل من المحاولات للتدريب بي مفردك على الدوام لانك قد تتعود على بعض الممارسات الخاطئه المن الصعب التخلص منها في ما بعد
بالتأكيد لما تتعلم المقامات بفيدك شديد خصاه لو كنت بتعزف سماعي لان تعلم المقامات بجنبك الوقوع في الغلط
و إذا أردت أنك تتطور يجب أن تتعلم أساسيات الموسيقى
لأنو اذا تعلمت الا ساسيات والنظريات الموسيقية في البداية حتتطور بشكل سريع شديد
في عدة تمارين لتطوير العزف بتمكنك من عزف أي مقطوعه عايز تعزفها.


تعلم العزف على الة العود على اسس صحيحة

تعلم العزف على الة العود على اسس صحيحة


في 8 مقامات رئيسية في الموسيقى العربية بتتفرع من كل مقام مجموعه من
المقامات الأساسية هي:
1- مقام العجم
2- مقام النهاوند
3- مقام الحجاز
4- مقام الصبا
5- مقام البيات
6- مقام الكرد
7- مقام الرست
8 - السيكا

ويتفرع من كل مقام من المقامات الفاتت مجموعة مقامات فرعية
مثلا مقام النهاوند يتفرع منه
1- مقام فرح فزا
2- مقام البوسلك
واعرفوا انو في العراق بس في الموسيقى اكتر من 50 مقام

زي
1- مقام الابراهيمي
2- المخالف
3- صبا زمزم

وغيرها من المقامات
ومعرفه الاساسيات هي:
1- مسكة العود
كتار من العازفين بمسكوا العود بطريقة غلط بتمنعهم مسكتهم من التحكم الكامل بالعود والوصول للأماكن الصعبة بالعزف وخاصة الأماكن القريبة من بطن العود

2-النغمات الموسيقية
في الموسيقى بشكل عام سواء كانت العالمية او العربية سبع نغمات أساسية تبنى عليها جميع المقطوعات والأغاني وهي

دو ري مي فا صول لا سي

عليك معرفة مواقع النغمات على العود

فمثلا الوتر الأول من الأسفل في العود يسمى دو
لو ضغطت الاصبع الوسطي عليه بديك نغمة ري
ولو ضغطت الأصبع الرابع عليه بديك نغمة مي

الوتر التاني صول
لو ضغطت الاصبع الوسطي عليه بديك نغمة لا
ولو ضغطت على الاصبع الرابع بديك نغمة سي

الوتر التالت اسمو ري

لو ضغت الاصبع الوسطي بديك نغمة مي
لو ضغطت ألاصبع التالت بديك نغمة فا

الوتر الرابع اسمو لا
لو ضغطت الاصبع الوسطيبديك نغمة سي
ولو ضغت على الاصبع التالت بديك نغنة دو

الوتر الخامس اسمو فا
العرب في السلم السباعي بعملوه صول يعني بوزنوه مع الوتر التاني

و الوتر الخامس لو كان موزون على التاني يعني صول حيتحول بالضبط زي الوتر التاني أما لو بقى فا اذا ضغت بالاصبع الوسطي حيديك نغمة صول


يلا خلينا بطبق المعلوماتدي لعزف سلم مقام العجم

ابدأ من الوتر الرابع الاصبع التالت مضغوط يعني نغمه دو
الوتر التالت مطلق يعني نغمه ري
يلا اضغط على الوتر التالت بالأصبع الوسطي عشان تجيك نغمة مي
واضغط على الوتر التالت بالاصبع التالت يعني نغمة فا
الوتر التاني مطلق وهو صول
الوتر التاني الاصبع الوسطي مضغوط يعني لا
الوتر التاني الاصبع الرابع يعني نغمة سي
الوتر الاول مطلق يعني نغمة دو

لو طبقت الخطوات دي بتديك سلم أو مقام اسمو مقام العجم
الكتير من الغناء العربي على المقام دا
حتعزف غناء دول المغرب العربي والشام والخليج ومصر

المهم لابد من دراسة المقامات


تعلم العزف على الة العود على اسس صحيحة

تعلم العزف على الة العود على اسس صحيحة


لابد من دراسة المقامات
حاولوا تتبعوا السلم الموسيقي زي تمرين في البداية وبعدها الحركة والسرعة بجوك براهم
يعني حتلقى نفسك اتبرمجت بي مجرد انك تتقطق اصابعك وريشتك وما انت في حاجة ليهوهو تمارين تكنيكية
ابدأ العزف نغمة نغمة نزولا بالسلم الموسيقي
( الجواب ), ( فا , صول , لا , سي , دو , ري , مي)
القرار ( فا , صول , لا , سي , دو , ري , مي )
وترجع بي شكل عكسي صعودا وطوالي كداا
ما تستعجل تعزف الاغاني حاول انك تسمع الشجن بضربك على الاوتار لحدي ما تضمن انك طلعت من العزف العشوائي
وبعد دا التمرين على القرار والجواب
حاول انك تعزف القرار والجواب بي كل اشكاله وفي فتره قليله حتشعر انك قادر على اللعب في العود و التنويع في العزف وتشيل العود تختو وراء ظهرك زيما ما بعمل النعام آدم مع الطمبور او تعزف يمين وشمال
وعقبال ماتألفوا مقطوعات موسيقيه وما تشوف نفسك انك ما بتقدر وما تقلل من امكانياتك ابدا زيك وزي غيرك من الناس
بعد ما تعزف حتى بعداك بجي في النهايه دور الاغاني ودور التطبيق على الأغاني وما عليك الا انك تقلب في موقعنا هنا مزيكا سودانيه وانكت اغاني بالعود لي مصطفى سيد احمد ومحمد الامين وابو داؤود وبشير عباس وغيرهم من عباقره الطرب السوداني وشوفهم بعملوا في العود دا شنو


تعلم العزف على الة العود على اسس صحيحة

تعلم العزف على الة العود على اسس صحيحة

آله العود للمبتدئين

آلة العود للمبتدئين الافضل تتكون من خمسه اوتار التلاته الاولى قرار والاتنين االتانيين جواب وقوموا بتخطيط العود من عند اخر الرقبه بشكل عمودي باربع خطوط كل خط يبعد عن الاخر خمسه سم تقريبا عشان تخلي اصابع اليد الشمال في المكان الصاح


في حاجات حتكتشفا بي مرور الايام والتمارين زي المقامات والاختلاف بينها والسلالم الموسيقيه لكل منها و البيمول والنصف بيمول والدييز والنصف دييز
بنفعك تخطيط العود في الشي دا عشان تقدر الدييز والنصف دييز او البيمول والنصف بيمول
ودي طريقه علميه اكتر فيها الكتير المقتبساهو ليكم وشئ منها بي توضيحي
طريقة شيل العود:
لما تشيل العود خلي وجه العود يكون عمودي وغير مرئي للعازف
ولدعم وزن العود بالفخذ والذراع الايمن عشان تكون لليد اليسرى حرية الحركة حول لوحة الاصابع " زند العود"، في البداية يبدو انو شئ صعب شديد
ولكن في الواقع هو أسهل من كدا بعد التمرين إذا كانت طريقة مسك العود بالطريقة الصحيحة بدينا صوت نغمة أوضح بي كتير من مسكو غلط

باليد اليمين بنمسك الريشه الا اذا كان الزول ايسر بعكس الطريقه
اليد اليمين تكون من خلف العود من الجزء الايمن وتحتضن العود، ورسغ اليد مستقيمة، والريشة تكون مستقيمة عشان العازف يضرب الوتر بالريشة من الاسفل وأعلى الوتر ماشي وجايي والتمرين المتواصل لفترات طويلةبي زيد العازف مهارة وتقنية عالية في العزف.
آلـة العود عايزه منك صبر وحب ليهو ورغبه واصرار على التعلم تاني البحث عن كل شئ يخص الآله من اجزائها وطريقة العزف والمقامات وكل سلم موسيقي ليها لان كل مقام عنده سلم موسيقي
بتختلف في اماكن الاصابع عشان كدا بتحتاج لى بحث او مدرس للصولفيج وتتعلم اساسيات آلة العود وبعد كدا بتعزف آلة العود
عشان تاخدوا راحتكم في الموضوع والمتابعه احفظوا الصفحه على الكمبيوتر لو ما عندك طابعه



تعلم العزف على الة العود على اسس صحيحة

تعلم العزف على الة العود على اسس صحيحة


الريشة
صناعة الريشة:
مصنوعة من ريش النسر أو من البلاستيك المرن
مرونة الريشة بتديك سلاسة في العزف
وجودة الصوت من جودة الريشة
على اي واحده دايرا تعزف لازم تراعي التزامن بين يدينا من الضغط على الاوتار باليد الشمال وضرب الاوتار بي اليمين
إبداع العازف من خلال التزامن في العزف والتمرين المستمر هو أفضل الطرق لاكتساب التقنية العالية
أستخدام اليد الشمال الدوسات
الطريقة العلمية لوضع الدساتين على رقبة العود كالاتي:
يشد الوتر على وجه العود ويسوى عشان يدينا نغمة مطلق الوتر المطلوبه
خلينا هسي نتابع الخطوات الجايه دي

1. يقاس طول الوتر من افرس الى بداية تجمع الأوتار على أنف العود.

2. يوضع الدستان الأول على مسافة 9/1 تسع طول الوتر من جانب أنف العود.

3. ولوضع الدستان الثالث، يقاس باقى الوتر من المشط الى الدستان الأول ، و نضع الدستان التالت على بعد التسع الباقى من الوتر البجي بعد الدستان الأول ، وحتكون نسبة شد الدستان التالت على نسبة تساوى 9/8 × 9/8 = 81/64 من طول الوتر ودي بتكون نسبة الجزء المهتز من عفق الدستان الثالث بالاصبع البنصر.

4. لوضع الدستان الرابع الذى يعفق بإصبع الخنصرـ نأخذ ربع طول الوتر المطلق من جانب الأنف ، ونضع الدستان حتدينا ذبذبة الجزء المهتز من الوتر تلاته أرباع طول مطلق الوتر ، وبي كدا بنضع الدستان الرابع.

5. لاحظ مجموع نغمتين مطلق الوتر الدستان الرابع الخنصر بدينا البعد بالاربعه ومجموعة نغمتين مطلق الوتر والدستان الأول الاصبع السبابه وهو بعد طنين ومجموع نغمتين مطلق الوتر والدستان التالت البنصر هو برضو بعد طنين ويكون مجموع نغمتين مطلق الدستان التالت والبنصر والدستان الرابع الخنصر هو البعد الباقي الحا يبقى لينا من بعد الأربعه متين ما فصلنا منه بعدين طنينين

6. لوضع دستان الوسطى وهو الدستان التانى بين دستان السبابة والبنصر
واختلف بعض الموسيقيين في تحديد مكانه
البعض بخليهو قريب من دستان السبابة وفي الحالة دي بسموه مجنب الوسطى أو الوسطى القديمه
والبعض التاني بحدده بالقرب من دستان البنصر وفي الحالة دي بسموه وسطى زلزل نسبة لعازف اسمو زلزل

والبعض الباقى بحدد مكان الدستان التانى متوسط بين الدستان الأول والدستان التانى وبسموه في الحاله دي وسطى الفرس.

وبعض الناس يصنع الدستان الثاني على بعد 8/1 ما بين الخنصر الى المشط (الفرس) يعني 8/1 طول الباقى من الوتر بين الدستان للخنصر (الدستان الرابع والفرس ) فحيقع لينا على نسبه (27/22 ) من طول الوتر ، ويكون ما بين دستان الوسطى ودستان الخنصر بعدً طنيني بنسبة 9/8

ونغمة الوسطى دي بسموها وسطى زلزل



تعلم العزف على الة العود على اسس صحيحة

تعلم العزف على الة العود على اسس صحيحة


يقسم طول الوتر الواحد بأربعة أقسام متساوية ، ويشد دستان الخنصر عندالثلاثة الأرباع مما يلى عنق العود، ثم يقسم طول الوتر من الرأس بتسعة أقسام متساوية ويشد دستان السبابة على التسع ما يلى عنق العود، ثم يقسمك طول الوتر عند دستان السبابة الى المشط بتسعة أقسام متساوية، ويشد دستان البنصر على التسع منه، فإنه يقع قوف دستان الخنصر مما يلى دستان السبابة ثم يقسم طول الوتر عند دستان الخنصر مما يلى المشط بثمانية أقسام، ويزداد عليها هذا الدستان، أعنى دستان الوسطى يشد بحيال نقطة من الوتر بينها وبين دستان الخنصر ثمن ما بين الخنصر الى المشط، فيصير نسبة نغمة الوسطى هذه الى نغمة الخنصر مثلها، فما بقى من الوتر فوق ، ويشد عند ذلك دستان الوسطى فإنه يقع فيما بين دستان السبابة والبنصر . فهذا إصلاح العود ونسب الأوتار ومواضيع الدساتين " .

( 1 طول 81 )
المطلق السبابة وسطى الفرس وسطى زلزال البنصر الخنصر
1,00 نسبة
9 \ 8 81 \ 68 27 \ 22 81 \ 64 4 \ 3

مواقع الأصابع للعفق على الأوتار:

1- يوضع الإصبع (الإبهام ) لليد اليسرى خلف رفبة العود من أعلى الرقبة عند موقع الدستان
الأول

2- تعفق بالإصبع (السبابة ) على الاصوات الموسيقية التى تصدر في موقع الدستان الأول

3- تعفق بالإصبع (الوسطى ) على الأصوات الموسيقية التى تصدر في موقع الدستان الثانى (انظر شكل رقم 3 ).

4- تعفق بالإصبع (البنصر ) على الأصوات الموسيقية التى تصدر فى موقع الدستان الثالث

5- تعفق بالإصبع (الخنصر ) على الأصوات الموسيقية التى تصدر في موقع الدستان الرابع

6- تعفق بالإصبع (السبابة) على الأصوات الموسيقة التى تصدر فى الموقع ما بين الدستان الأول والثانى

7- تعفق بالإصبع (البنصر ) على الأصوات الموسيقية التى تصدر فى موقع ما بين الدستان الثالث والرابع

ويلاحظ أن إصبع البنصر يعفق الأصوات الموسيقية التى تصدر في موقع الدستان الثالث (شكل رقم 3 ) ، و كذلك الأصوات الموسيقية التى تصدر موقع الدستان الثالث والرابع.

طريقة الضغط على الاوتار تكون بأطراف الاصابع، والاظافر القصيرة أو التي بمساوات طول الاصيع تشكل رنين جميل واضح عند الضغط على الوتر بمساعدة الاظافر


تعلم العزف على الة العود على اسس صحيحة

تعلم العزف على الة العود على اسس صحيحة


ضبط اوتار العود ونغماته

العود زمان كان عود ممتاز وسهل شديد لانو ناس كتيرين كانوا بعزفوا على آلة العود
العود كان يصنع في أماكن عديدة بنفس الشكل ولكن بأساليب مختلفة.
صوت العود يجب أن يكون في الاعتبار الاول لما تشتري العود
في نوعين من الاعواد
العود التركي ومركز صناعتو إسطمبول وهو مصنوع من الخشب الخفيف ا وبدي نغمة لامعة حاده والنوع التاني هو العود العربي وهو مصنوع بشكل أكبر وأتقل عشان يدينا صوت أعمق ويضبط بدرجة منخفضة والمدن الرئيسية كان يصنع فيها العود هي القاهرة ودمشق
و الاعواد العربيه مصنوعة من خشب أخشن بس كل النماذج الرفيعة متوفرة فيها
نجي لي تركيب الاوتار
من المعروف أنو عدد أوتار العود تكون خمسة أوتار وأحيانا ستةوهي أوتار مزدوجه بتتفاوت في الغلظ والرقه متدرجه من أعلى صدر العود الاوتار غليظة الى الاسفل الاوتار الرقيقة
بتتركب وتشد الاوتار موازية لسطح الصندوق المصوت مبتدئه من الفرس ماره فوق الرقبة منتهية عند الملاوي.

ولانو الوتر مزدوج حيتركب طرف واحد من الوترين في الالفتحه المخصصه ليهو في الفرس ويربط ا ويشد على صدر العود وبعدو الرقبة و يسحب على الحرز الموجود على الانف مارا الى البنجق ويركب نهايه الوتر طرفه التاني في الفتحه المخصصه ليهو الموجوده بالملوى و ويلف الملوى حتى تضبط الوتر بالنغمة المطلوبه، ويطبق داا على كل اوتار العود.

الطريقة الصاح لي ترتيب أوتار العود وغالبا طبعا الطريقه بتاعه السلم السباعي
في دول المغرب العربي والخليج والشام ومصر
هي وتر واحد قرار بالاضافه لى خمسه أزواج من الاوتار مضبوطه وموزونه
واللي هي ضبط أوتار العود الشد او الدوزنه
أسماء أوتار العود بالموسيقى العربية من الاعلى الى الاسفل
الاول ( دو1 ) كردان
التاني ( صــول ) نوا
التالت( رى ) دوكه
الرابع لا 1 )
عشيران
الخامس ( صــول ) ياكه
الوتر السادس ( فـا ) قرار بوساليك
ولو كان الوتر الخامس مضبوط لـ ( فـا ) يكون إسمه قرار حجازي
ويضبط الوتر السادس ( دو ) ويكون إسمه قرار كردان

يمكن ضبط العود بأربع طرق مختلفه
ترتيب ضبط الاوتار من النغمة العالية الى المنخفضة

لضبط أو دوزنة أوتار العود في كم طريقه ما بتختلف شديد عن بعضها
طريقه ضبط عود الخمسه أوتار وهي الطريقه حقتنا السودانيه والافريقيه والاسيويه الاستعملوها في اسيا
هي الطريقه الاولى كدا
1. تشدي الوتر الخامس ( يكا - صول ) لحدي تسمع صوت متوسط من ناحية الغلظ والحدة ( يعتمد على الاذن في الحاله دي) وبعدها تضبط الوترين لحدى يصدرو صوت واحد وهو ( صول ).

2. وبعدو تشدي الوتر الرابع (النوى ) عشان يبقى صوته رد لي صوت (اليكاه)

3. وبعدو تعفق على وتر (النوى ) في موقع الدستان الثانى بالاصبع الوسطى حيصدر منهو صوت بسموه الحسينى وهو (لا ) وهو رد لي صوت وتر (العشيران ) المطلق والعشيران هو الوتر التاني بشدوه عشان يطلع منو صوت حيكون قرار لي صوت الحسينى ( لا ) وهو صوت نغمة (العشيران )

4. بعدو يعفق على وتر (العشيران ) في موقع الدستان التالت بالاصبع البنصر حيصدر نغمه الراست ( دو ) ويشد الوتر الخامس (الكردان ) ويسوى على رد وجواب النغمه دي عشان يصدر منه صوت (دو 1 ) الكردان

5. بعدو يعفق على وتر (الكردان ) في موقع الدستان التانى بالاصبع الوسطى حيصدر منهو صوت نغمه المحير (رى ) وهو رد جواب لي صوت وتر (الدوكاه ) المطلق والدوكاه هو الوتر التالت يشدوه عشان يصدر منو صوت حيكون قرار لي صوت المحير (وهو صوت نغمة الدوكاه).

ويعتقد البعض انو لما يلجأ لي الطريقه دي في حاله عدم وجود (ديابازون ) عشان يلقى منها نغمه .. لا ..
أو الاعتماد على الاذن



تعلم العزف على الة العود على اسس صحيحة

تعلم العزف على الة العود على اسس صحيحة


يعتمد على الديابازون وهي آلة مصنوعة من المعدن مخصصه لضبط أوتار الآلات الموسيقية وتجرى تسوية الأوتار كدا

1. يضبط الوتر التاني من أعلى (العشيران ) على قرار نغمه المعيار الصوتى الديابازون (لا) عدد ذبذباته 440 ذبذبه في الثانية

2. تسويه باقي الأوتار بالانتقال الى رابعه النغمة، حتكون تسوية الوتر التالت هى نغمة ( رى ) و يعتمد على الاذن في الانتقال من نغمه الى رابعتها.

3. وبكون تسويه الوتر الرابع هي ( صول)

4. و تسويه الوتر الخامس هى (دو1 ).

5. اما الوتر الأول من أعلى الغليظ (اليكاه صول 1 ) حيسوى على قرار نغمه الوتر الرابع و هو (النوى)

ويعتقواد أنو الطريقه دي جيده عشان ساهله
وفي حالة عدم وجود ديابازون ، يمكن الاستعانة باحدى الآلات الثابته لاستخراج نغمة (لا) منها كالبيانو مثلا

دي امثله طبقوها لحفظ نغمات الاوتار في الدوزان
الوترالاول التاني التالت الرابع الخامس السادس
1. الطريقة العاديه لعود الخامسي حقنا السوداني C G D A G
2. الطريقه الجديده لعود السته أوتار C G D A F C
3. نظام بوكانوس لعود الست أوتار F# B E A D G
4. نظام تانريكورور لعود الست أوتار E B E A D G

ودي طرق دوزان لي عدد من العازفين المشهورين
1. D3 A2 E2 B1 A1 D1
2. F1 F3 C3 G2 D2 C2
3. C1 G3 D3 A2 E2 D2
ودا جزء مهم للعود
المساحات الصوتيه لآلة العود
تحصر منطقه أصوات العود في ديوانين (Octaves 2 ) ابتداء من مطلق وتر (اليكاه – صول ) الى نغمه (السهم – جواب النوى )
وتزيد عليها بي تلاته أصوات ابتداء من الديوان (الأوكتاف) التالت



تعلم العزف على الة العود على اسس صحيحة

تعلم العزف على الة العود على اسس صحيحة


ويمكن أن تصل منطقة أصوات العود الى ثلاثة دواوين كاملة إذا اتبع الآتى:

1. يسو أو يضبط أول وتر من أعلى (الغليظ ) على نغمة قرار بوسليك (مى 1 ) . وبهذه التسوية سوف تصبح جميع الأوتار على مسافات رابعة بين كل وتر والآخر ، كما أن منطقة أصوات العود ستزيد.

2. إضافة الوتر السادس (المزدوج أيضاً ) جواب الجـهاركاه (الماهوران ) ، وفي هذه الحالة سوف تصبح أول درجة صوتية للعود هى درجة (مى1 ) اقرار بوسليك – أغلظ درجة صوتية ]، وآخر درجة هي درجة (مى1) جواب الجواب أحد درجة صوتية ، وبهذا تتسع المساحة الصوتية للعود لثلاث دواوين ( Octaves ) ، ويكون عدد الأصوات للدرجات الأساسية اثنتين وعشرين درجة.

شرح المصطلحات والكلمات الموسيقيه
شرح علمي بحت
التوجيه الأول للسلم العربى
هذه الأسماء.. تك قرار حصار ثم زيركولا، عربة شهناز،
الى اخره وببساطة شديده وموجزه تفسير المصطلحات كالآتى:-

درجة = صوت سليم بالأفرنجي – أو قد يكون نصف صوت = نصف بيمول.

دا من ناحية تفسير النغمات والعربات والتكان
أما تفسير أسماء النغمات العربية فمثلاً سموا الأوتار رى= دوكاه والصول= نوى الخ
وسموا النغمات العربية بريضو بي اسماء خاصه
مجمل الكلام حتلاقي النتيجه أنو بحتوى على :

* 8 مقامات أساسية
* 5 عربات 2/1 درجة
* 2 درجة
* 5 تكات ثلاث أرباع
* 5 تكات ارباع

المجموع 25 صوتاً = 53 كومه

دا التحليل العلمى لسلم العربي الاول
والفرق بينه وبين التحليل العلمي للسلم الافرنجى الكبير:
حتلاقي أنو السلم الكبير بشمل على أصوات كاملة ونصف أصوات حسب ترتيبه

و السلم العربى فيهو أرباع النغمات وثلاث أرباع النغمات وأنصاف النغمات
يعني لما نقسم السلم العربى مثلا بين دو و الرى = 4 أرباع

والأفرنجى = بين الدو والرى = درجة كامله وكدا

والمقصود كله هو العمل بدراسة السلم العربى وتحليله وأسمائه

الحلقه الجايه اهم حاجه واللي هي بستعجلوا ليها العازفين العايزين يتعملموها في ساعه واحدة
وهي النغمات


شرح المصطلحات والكلمات الموسيقيه
شرح علمي بحت
التوجيه الأول للسلم العربى
هذه الأسماء.. تك قرار حصار ثم زيركولا، عربة شهناز،
الى اخره وببساطة شديده وموجزه تفسير المصطلحات كالآتى:-

درجة = صوت سليم بالأفرنجي – أو قد يكون نصف صوت = نصف بيمول.

دا من ناحية تفسير النغمات والعربات والتكان
أما تفسير أسماء النغمات العربية فمثلاً سموا الأوتار رى= دوكاه والصول= نوى الخ
وسموا النغمات العربية بريضو بي اسماء خاصه
مجمل الكلام حتلاقي النتيجه أنو بحتوى على :

* 8 مقامات أساسية
* 5 عربات 2/1 درجة
* 2 درجة
* 5 تكات ثلاث أرباع
* 5 تكات ارباع

المجموع 25 صوتاً = 53 كومه

دا التحليل العلمى لسلم العربي الاول
والفرق بينه وبين التحليل العلمي للسلم الافرنجى الكبير:
حتلاقي أنو السلم الكبير بشمل على أصوات كاملة ونصف أصوات حسب ترتيبه

و السلم العربى فيهو أرباع النغمات وثلاث أرباع النغمات وأنصاف النغمات
يعني لما نقسم السلم العربى مثلا بين دو و الرى = 4 أرباع

والأفرنجى = بين الدو والرى = درجة كامله وكدا

والمقصود كله هو العمل بدراسة السلم العربى وتحليله وأسمائه

الحلقه الجايه اهم حاجه واللي هي بستعجلوا ليها العازفين العايزين يتعملموها في ساعه واحدة
وهي النغمات


تعلم العزف على الة العود على اسس صحيحة

تعلم العزف على الة العود على اسس صحيحة


الدوزان الصحيح للسلم الخماسي هي C G D A G

ولأنو في مجموعه من الدوزان يمكنك الاعتماد عليها فالطريقه C G D A E دي هي من الابداع السوداني البحت
واتعودت عليها الاذن السودانيه وهي من ابداعات الرواد السودانيين عزف بيها اسماعيل عبد المعين
لكن ارجع للارشيف وحتلاقي الموسيقار اسماعيل عبد المعين نفسه و العاقب محمد حسن ومصطفى سيد احمد وابو الامين ويحي ادروب وبشير عباس دوزنوا بي C G D A G كتير
وهي طريقه دوزان الأسيويين والعازفين في دول المغرب العربي لما يحبوا يعزفوا خماسي والاستاذه عودتني عليها ولقيت نفسي ممكن اعزف بي C G D A G اي مقام
لكن هسي ممكن انت لو ماهر في العزف ممكن كمان تجيب دوزان من عندك ويتبعوك فيه الناس


م
ن
ق
و
ل

قمة الروعة مشكور على المجهود بس وين المرفقات

تعلم العزف على الة العود على اسس صحيحة

شـكــ وبارك الله فيك ـــرا لك ... لك مني أجمل تحية .

تعلم العزف على الة العود على اسس صحيحة